Торайғыров университетінің 65 жылдығына арналған «XXV Сәтбаев оқулары» халықаралық ғылыми конференциясының өткізілуі туралы Баспасөз релизі

2025 жылдың 25 сәуірінде «Торайғыров университеті» коммерциялық емес акционерлік қоғамында дәстүрлі «XXV Сәтбаев оқулары» халықаралық ғылыми конференциясы өтті. Биылғы конференция университеттің 65 жылдық мерейтойына арналды.

Конференция аясында академик Қаныш Имантайұлы Сәтбаевтың еңбектерінің 10 томдық жинағы және оның қысқаша өмірбаянының қазақ, араб, ағылшын, француз, испан, қытай және орыс тілдеріндегі нұсқалары таныстырылды.

Конференция шеңберінде келесі бағыттар бойынша секциялық отырыстар өткізілді:

    •      жаратылыстану ғылымдары,

    •      гуманитарлық және әлеуметтік ғылымдар,

    •      экономика және құқық,

    •      сәулет және дизайн,

    •      инженерия,

    •      ауылшаруашылық ғылымдары,

    •      энергетика және компьютерлік ғылымдар.

Конференцияның құрметті қонақтары:

    •Павлодар облыстық мәслихатының төрағасы Терещенко Илья Сергеевич,

    •Қазақстан Республикасы Парламенті Мәжілісінің депутаты Жаркынбек Амантайұлы,

    •Қазақстан Республикасы Парламенті Сенатының депутаты, «Сәтбаев халықаралық қоры» қамқоршылық кеңесінің төрағасы Алтынбек Нұқұлы,

    •Қазақстанның алғашқы Еңбек Ері, Екібастұздағы шахтерлер әулетінің негізін қалаушы, құрметті азамат Амренов Рыстап Бабаевич қатысты.

Секциялық отырыстардың қорытындысы бойынша жеңімпаздар дипломдармен және сыйлықтармен марапатталды, ал олардың ғылыми жетекшілеріне алғыс хаттар табысталды.

Ғылыми-практикалық конференция аясында секциялық отырыстарға тіркеу мен қатысу қорытындылары шығарылды. Жалпы тіркелген қатысушылар саны – 667 адам, олардың ішінде 279-ы – мектеп оқушылары, 385-і – еліміздің әр өңірінен студенттер. Іс-шараға 108 мектептің өкілдері қатысты. Олардың қатарында жалпы білім беретін мектептер, Назарбаев Зияткерлік мектептері, лицейлер, гимназиялар, халықаралық және интернационал мектептер, аудандық мектептер бар. Сонымен қатар, 33 жоғары және арнаулы орта оқу орындары қатысты: жоғары оқу орындары, колледждер мен жоғары колледждер. Олар медицина, музыка, көпсалалы, экономика, педагогика, машина жасау, химия-механика бағыттарын қамтыды. 13 кәсіпорын мен ұйым белсенді қатысып, өз үлесін қосты. Олардың қатарында балабақшалар, Қазақстан ғылым және технологиялар институты, «СТРОЙПРОЕКТИННОВАЦИЯ» ЖШС, ҚР Президенттік орталығы, «Жігер» ДПК бар.

Ғылыми мақалалардың географиясы Қазақстанның көптеген өңірлерін қамтыды: Алматы, Астана, Павлодар, Павлодар облысы, Қостанай, Талдықорған, Семей, Орал, Атырау, Көкшетау, Тараз, Шымкент, Шығыс Қазақстан және Батыс Қазақстан облыстары.

Конференция аясында 1495 ғылыми мақала жариялауға қабылданып, жинаққа енгізіледі.

Қатысушылардың жұмысы 36 секция бойынша ұйымдастырылды, олар ғылым мен зерттеудің әртүрлі бағыттарын қамтыды.

Бұл іс-шара жастардың ғылымға деген қызығушылығының жоғары екенін және білім мен ғылым саласындағы өңіраралық ынтымақтастықтың маңыздылығын көрсетті.