Мақсаттары:

«Мәшһүртану» ҒПО  Мәшһүр-Жүсіп Көпейұлының мұрасын зерттеу, талдау және таратуды мақсат етеді.

Міндеттері:

Философ еңбектерінің жинағын шығару, мәшһүртанушылардың жұмыстарын жариялау, республика мектептері, колледждері мен жоғары оқу орындарымен байланыс орнату, «Мәшһүртану» пәні бойынша курстар мен факультативтердің бағдарламасын әзірлеу.

Бағыттары:

1. Мәселелер: ғалым шығармаларының бір бөлігін зерттеу мүмкіндігі жоқ, себебі қолжазбалары шет мемлекеттердің мұрағатында жатыр.

2. Талдау: Ойшылдың туындыларына әдеби, лингвистикалық, философиялық, әлеуметтік, тарихи талдау үлгілері  сай келеді.

3. Жинақтау: материалдар ғалымдардың көмегімен жинақталады, аударылады, өңделеді.

4. Жаңа әдістерді патенттеу: ЭЕМ электронды бағдарламасы жасақталды.

5. Әзірлеме: Жаңа дәуір жаңа амалдарды талап етеді. Сәйкесінше зерттеу әдістері де өзгереді. Цифрландыру мен жаһандану нәтижесінде философтың ойлары мен идеялары әлемнің түкпір-түкпіріне жете алады.

2018 жылы ҚР Президентінің жарлығымен «2025 жылға дейінгі Қазақстан Республикасының стратегиялық дамуының жоспары» бекітілген. Бұл жарлықта Президент стратегиялық үлгідегі саяси құжаттардың маңыздылығын атап өтті. Олардың қатарында стратегиялық міндеттерді жүзеге асырудағы қоғамдық сананы жаңғыртудың маңыздылығы көрсетілген.

Стратегиялық міндеттер тізімінде экономикалық даму, әлеуметтік саясат, мемлекеттік басқару және аймақтық саясатпен қатар «Болашаққа бадар: рухани жаңғыру» бағдарламалық мақалада көрсетілген  ұлттық құндылықтар мен ерекшеліктер бар.

Қоғамдық ынтымақ пен жалпыұлттық бірліктің қазақстандық үлгісі әлемдегі озық үлгі болып табылады. Себебі қазақстанда ар-ұждан бостандығына, барлық этностардың мәдениеті мен дәстүрлерінің дамуына жағдай жасалған.

Осы орайда қазақстандық құндылықтарды нығайту, азаматтық тұрғыдағы бірлік, түрлі ұлттардың  тілін, дәстүрлері мен мәдениетін қолдау және дамыту ұлтаралық жанжалдардың алдын алу жолы болып есептеледі.

Бұл жағдайлар қазақтың рухани мәдениетін, саяси және этникалық тархын, қазақ философиясы мен әдебиетін дамытуда елеулі орын алады.

Қазақ зиялыларының өкілдерінің бірі – Мәшһүр-Жүсіп Көпеев – ақын, философ, ғалым.

Мәшһүр-Жүсіптің поэтикалық ойлары мен философиясы өзінің тереңдігімен Шығыстың ең мықты ойшылдарының шығармаларымен қатар тұр. Ол бірнеше тілде сөйлеп, қазақ халқын  ағарту жұмыстарымен айналсқан. Этнограф ретінде ол бір жарым ғасырлық тарихты сақтап, келесі ұрпаққа жеткізген. Мәшһүр-Жүсіп қазақ ауыз әдебиетін зерттеушілердің бірі. Шығыс әдебиеті мен ислам  дінінің теориясын жетік меңгерген. Энциклопедист қана емес, діни адам да болған. Дінсіз ғылым болмайды деп санаған. Соңынан зор мұра қалдырған Мәшһүр-Жүсіптің бүгінде діни-философиялық ойлары, ғылыми еңбектері, аңыздары, ауыз әдебиеті үлгілері қалған. Философ шығармаларының 20 томдығы С.Торайғыров атындағы Павлодар мемлекеттік университетінің қолдауымен басып шығарылды. Зерттеулер жүргізіліп жатыр.

Монографиялар:

«Тіл мен тарих – ұлт қорғаны» монографиясы бойынша жұмыс атқарылды.

Курстар:

1. «Орындаушылық өнер» кафедрасымен бірлесе отырып, музыка пәні мұғалімдеріне арналған «Музыкалық білім берудегі жаңашылдықтар» атты 72 сағаттық біліктілікті арттыру курсы ұйымдастырылды. Қатысушыларға С.Торайғыров атындағы ПМУ сертификаттары берілді.  Онлайн, оффлайн форматта  университеттің жәе шетел ғалымдарының, психологтер мен музыканттардың дәрістері берілді(2019 жыл).

2. «Менталды психология мен педагогика»

3. Психология мен педагогика